I. Fanning mazmuni
Fanni oʻrganish zaruriyati. Talabalarning o‘zbek tilidan egallagan bilim va ko‘nikmalarini mustahkamlash va yanada kengaytirish, tanlagan ixtisosligi doirasida davlat tilini puxta bilishlariga yordamlashish, nutqini kasbiy atamalar bilan boyitish, o‘zbek tilida yuqori darajada nutqiy savodxonlikni ta’minlashdan iborat.
Fanning maqsadi: o‘zbek adabiy tili me’yorlari bo‘yicha zarur bilimlarga ega bo‘lishi, sohaga oid tayanch tushunchalar, so‘z va iboralardan o‘rinli va maqsadga muvofiq tarzda foydalanish ko‘nikmasiga ega bo‘lishi, sohaga oid ish hujjatlarini tayyorlash va rasmiylashtirish malakasiga ega bo‘lishi, kasbiy muloqot yuritish malakasiga ega bo‘lishi kerak.
Fanning vazifasi – kundalik faoliyatda hamda turmushda zarur bo‘lgan mavzularda o‘zbek tilida mustaqil so‘zlay olish va yozish malakalarini takomillashtirish, ixtisoslikka oid turli nutq uslublarida matn tuza olish, uni o‘zgartira bilish malakalarini takomillashtirish, muayyan nutqiy mavzular doirasida zaruriy grammatik bilimlarni berish, ixtisoslik doirasida og‘zaki va yozma nutqni o‘stirish, turli tipdagi matnlarni erkin tuza olish malakalarini oshirish, o‘zbek tilidagi axborotni tushunish, unga tanqidiy, tahliliy munosabat bildirishni o‘rgatish kabi vazifalarni nazarda tutadi.